Sistempostuloj
Microsoft Windows
La programaraj kaj materialaj antaŭpostuloj por instali LibreOffice ĉe Vindoza sistemo estas jenaj:
- Windows Server 2012 ĝis 2022, Windows 10 aŭ 11 (LibreOffice estas plene subtenata ĉe Windows 11)
- Komputilo kongrua kun Pentium
- 256 MB da RAM (512 MB rekomendindas)
- Ĝis 1.5 GB da disponebla spaco sur fiksita disko
- Distingivo de 1280x800, kun almenaŭ 256 koloroj
Administrantaj rajtoj estas bezonataj por la instala procezo. Oni rekomendas fari savkopion de sia sistemo kaj datumoj antaŭ ol oni instalas aŭ malinstalas programojn.
Por iuj funkcioj de la programo – sed plejparte ne – Ĝavo estas bezonata. Ĝavo bezonatas notinde por Datumbazo.
Apple macOS
La programaj kaj materialaj antaŭpostuloj por instali ĉe komputilo kun Apple macOS estas jenaj:
- macOS 11 aŭ pli nova
- Procesoro de Intel aŭ Apple silicon
- 512 MB da RAM
- Ĝis 800 MB da disponebla spaco sur fiksita disko
- Grafika aparato de 1280x800 kun 256 koloroj
Oni rekomendas fari savkopion de sia sistemo kaj datumoj antaŭ ol oni instalas aŭ malinstalas programojn.
Notoj:
- Por iuj funkcioj de la programo – sed plejparte ne – Ĝavo estas bezonata. Ĝavo bezonatas notinde por Datumbazo.
- Pro ĉi tiu problemo, estas la jenaj limigoj pri Ĝavo: ĉe macOS 10.10 kaj pli novaj, JRE ne troviĝas, JDK estas bezonata
- LibreOffice 4.3 ankoraŭ povas ruliĝi ĉe OS X 10.6+, sed bonvolu kompreni ke ĉi tiu subteno ĉesis kiam oni retiris 4.3 la 27-an de majo, 2015.
GNU/Linux
Ĝenerale oni rekomendas instali LibreOffice per la metodoj de instalado rekomenditaj de via aparta distribuaĵo de Linukso (ekzemple per la Ubuntu Software Center se temas pri Ubuntu). Tio estas ĉar tio kutime estas la plej simpla maniero havi instalaĵon kiu estas optimume integrigita en vian sistemon. Efektive, povas esti ke LibreOffice jam estas defaŭlte instalita kun via Linuksa operaciumo.
La instaliloj kiujn havigas la komunumo celas uzantojn kun specialaj bezonoj, kaj por malkutimaj okazoj.
La programaj kaj materialaj antaŭpostuloj por instali ĉe Linukso estas jenaj:
- Versio 4.18 de la Linuksa kerno aŭ pli alta
- Versio 2.27 de glibc2 aŭ pli alta
- Por kunmetaĵoj de TDF: ĉefprocesoro je x86-64-v2-level
- 256 MB da RAM (512 MB rekomendindas)
- Ĝis 1.55 GB da spaco disponebla sur fiksita disko
- Distingivo de 1280x800, kun almenaŭ 256 koloroj
- GNOME kun la pakaĵo ATK (bezonata por subteno de iloj de helpoteknologio [AT]), aŭ alia kongrua GUI (kiel KDE inter aliaj)
Por iuj funkcioj de la programo – sed plejparte ne – Ĝavo estas bezonata. Ĝavo bezonatas notinde por Datumbazo.
Oni rekomendas fari savkopion de sia sistemo kaj datumoj antaŭ ol oni instalas aŭ malinstalas programojn.
Android/Linux
Rigardu LibreOffice Viewer por Android.
Aliaj operaciumoj
Aliaj kunmetaĵoj de LibreOffice havebligitaj de la komunumo disponeblas por aliaj operaciumoj kiel la BSD-oj. Por pli da informo, bonvolu rigardi la detalajn sistempostulojn ĉe la vikio de TDF.